Ողջույն, ես Լիանան եմ, Rougecoco բրենդի հիմնադիրը, ում համար նորաձևությունը և՛ հոբբի է, և՛ աշխատանք։

Այսօր եկեք հասկանանք, թե ինչու են շատերը խուսափում ոսկեգույն զարդեր կրելուց՝ նախապատվությունը տալով արծաթագույնին։

Գույների նկատմամբ անձնական վերաբերմունքից և նախապատվությունից բացի, մարդիկ զարդերի գույնն ընտրելիս հիմնականում առաջնորդվում են այն ընդունված կարծիքով, որ արծաթագույնն ավելի նեյտրալ է, առօրյա հագուստի հետ ավելի հեշտ է համադրվում և չափազանց շատ ուշադրություն չի գրավում։ Իսկ ոսկեգույնը տոնական և շքեղ է, որն առօրյայում կրելու համար այդքան էլ հարմար չէ։

Միգուցե ինչ-որ չափով և ճիշտ է սա, բայց եկեք մի փոքր դուրս գանք ընդունված կարծիքների շղթայից և փորձարկենք նորույթներ։

Սկզբում հասկանանք, թե ի՞նչն է ժամանակակից նորաձևության աշխարհում համարվում թրենդ։

Մինիմալիզմը։

Այն այժմ գնահատվում է ոչ միայն զարդերի, այլև հագուստի, աքսեսուարների, նույնիսկ ինտերիերի մեջ։ Ժամանակը ցույց տվեց, որ մինիմալիզմը երբեք չի հնանում, այն միշտ ակտուալ է։

Զարդերի աշխարհում նույնպես գործում է այս պարզ բանաձևը՝ ինչքան մինիմալիստիկ, այնքան երկարաժամկետ։

Ընտրելով մինիմալիստիկ զարդեր` դուք երկարաժամկետ ներդրում եք կատարում, համոզված լինելով, որ դեռ շատ սեզոններ եք դրանք կրելու՝ առանց իրենց ակտուալությունը կորցնելու։

Rougecoco զարդերն ընտրելիս` ես հենց այդ սկզբունքով եմ առաջնորդվում: Ի դեպ` ես ինքս էլ ավելի հաճախ կրում եմ հենց ոսկեգույն զարդեր: Բայց վերջերս նույնիսկ ականջիս երկրորդ պիրսինգը դակեցի, որպեսզի կարողանամ վաղուց պլանավորած համադրությունը ստանալ՝ միքսելով ոսկեգույնն ու արծաթագույնը։

Այժմ եկեք մի քիչ մանրամասն քննարկենք ոսկեգույնի առանձնահատկությունները։

Այն ունի տարբեր երանգներ, ամենավառ նարնջագույնից մինչև արևային դեղին, իսկ եթե դրանք էլ չեք հավանում, ապա խնդրեմ՝ վարդագույն-ոսկեգույնն (rose gold) ընտրեք, որն ի դեպ իմ կարծիքով առանձնահատուկ նուրբ տեսք ունի։

Կարևոր է, որպեսզի զարդն ընտրելիս հաշվի առնեք ձեր մաշկի և մազերի գույնը, եթե թուխ եք՝ մուգ վարսերով, ապա ընտրեք դեղինի ավելի մուգ տարբերակները։ Մաշկի ավելի բաց երանգ ունեցողներին խորհուրդ կտամ ընտրել ոսկեգույնի ավելի նուրբ և բաց երանգները, ինչպես նաև վարդագույն-ոսկեգույնը, որը շատ ունիվերսալ է։

Դե իսկ եթե որոշեք ոսկեգույն մինիմալիստիկ զարդ ձեռք բերել, կարող եք անցնել այս հղումով և բացահայտել մեր տեսականին, որտեղից համոզված եմ` ձեզ համապատասխան աքսեսուար անպայման կգտնեք։